२००० : भागवतधर्माचे आद्य प्रचारक संतशिरोमणी श्रीनामदेव महाराजांच्या षष्ठ शतकोत्तर सुवर्ण महोत्सवी समाधीवर्ष निमित्ताने पंजाब मधील, गुरूदासपुर जिल्ह्यातील घुमानमध्ये भागवतधर्मातील निष्ठावान पाईक असलेल्या ५८३२ वारकर्‍यांचे श्री  नामदेव गाथा पारायण. 

२००० : शीख परंपरेचे दहावे पातशाह श्रीगुरू गोबिन्दसिंहांनी हिंदू धर्म रक्षणार्थ आवश्यक योद्धा निर्मितीसाठी केलेल्या खालसा पंथ संस्थापनेच्या ३०० व्या वर्षपूर्ती निमित्त तख्त श्री केसोगढसाहिबजी, आनंदपुरसाहिब, पंजाबमध्ये वारकरी-शीख समन्वय दिंडीचे आयोजन.

२००१ : अहिंसा विचारसूत्राचे सर्वाधिकारी, २४ वे आणि अंतिम तीर्थंकर भगवान श्रीवर्धमान महावीरांच्या जन्माच्या २६०० व्या प्राकट्य वर्ष पूर्ती निमित्त जयपूर, राजस्थानात ‘शाकाहारव्रति सम्मेलना’च्या माध्यमातून सृजनात्मक भव्यतेचे  वैभवशाली आयोजन. 

२००५ : भारतोद्भव विभिन्न धर्म-मत-पंथ-सम्प्रदाय (जसे वैदिक, जैन, बौद्ध, शीख, शैव, वैष्णव, आर्य, शाक्त, रविदासी, वाल्मीकी, कबीरपंथी, महानुभाव, सनातनी, कृष्णप्रेमी) इ.प्रबुद्ध व अनुभवसिद्ध लोकांचे ‘भक्तिधारा संगम’ नावाने एकतासूत्र मिलन प्रारंभ.

२००६ : धर्म संस्कृति संगमाच्या नेतृत्वात विविध संस्थांच्या समन्वित प्रयत्नांनी आशियातील हिन्दू, बौद्ध, ताओ, शिंतो, कन्फ्युशिअस या  ५ संस्कृत्यांच्या, १८ देशांतील ४५३ विद्वानांचे आणि धर्मनिष्ठ बांधवांचे समन्वयनगरी वाराणसी, उत्तर प्रदेशमध्ये एकत्रीकरण.

२००७ : तथागत भगवान गौतम बुद्धांचे २५५१ वे जन्मवर्ष व भारतरत्न डॉ. भीमराव रामजी आंबेडकरांनी प्रवर्तन केलेल्या द्वितीय धम्मचक्र प्रवर्तन दिनाच्या ५० व्या प्रेरणावर्षानिमित्ताने १३ देशांतील धम्मप्रेमींचे सारनाथ, काशी येथे आयोजित केलेले  ‘बौद्ध महासम्मेलन’. 

 २००८ : जगद्गुरू संत श्री तुकाराम महाराज जन्मचतु:शताब्दी, राष्ट्रगुरु समर्थ रामदासस्वामी जन्मचतु:शताब्दी, श्रीगुरूग्रंथसाहिब स्थापना (गुरूतागद्दी) त्रिशताब्दी, ग्रामगीताकार राष्ट्रसंत तुकडोजी महाराज जन्मशताब्दी निमित्ताने २०० वारकरी, १५० शीख आणि ३८ समर्थ भक्तांच्या ‘लोकजागृती यात्रा’ माध्यमातून संतांच्या पादुका आणि श्रीगुरूग्रंथसाहिबांच्या पालखीसहित महाराष्ट्रातील २८ जिल्ह्यातील यात्रा. 

२०१२ : पानिपताच्या तिसर्‍या लढईच्या २५१ व्या स्मृतीवर्षात ५५३ युवक-युवतींचा पुणे-पानिपत-वाघा सीमा, अमृतसर-पुणे मार्गावर ५७६४ किमींचा ८ राज्ये व ७६ जिल्ह्यातील प्रवास, मोहीम समारोपास तत्कालीन राष्ट्राध्यक्षा  श्रीमती प्रतिभाताई पाटीलांचे प्रेरक संबोधन  

२०१३ : भारत-चीन लढाईच्या ५१ व्या वर्षपूर्ती  जागरणा निमित्ताने ईशान्येकडील ८ राज्यांतील ४५ जिल्ह्यात  ५९८२ किमींचा पूर्वांचल दुचाकी अभिवादन प्रवास. संबंधित राज्यांच्या राज्यपालांशी थेट भेटी करून पूर्वांचलातील विविध प्रश्नांवर फलदायी निष्कर्षाभिमुख चर्चा . 

२०१३ :भारतोद्भव विभिन्न धर्म-मत-पंथ-सम्प्रदायातील  पूज्य संतांचे ‘भारतीय संत सभे’ च्या मार्गदर्शनात  पुण्यात प्रशिक्षण शिबिराची योजना. 

२०१४ : ज्वलज्ज्वलनतेजस धर्मवीर श्रीशंभुछत्रपतींच्या ३२५ व्या हौतात्म्य (बलिदान) स्मृतीवर्षा निमित्ताने जन्मभूमि श्रीपुरंदर ते श्रीक्षेत्र वढू मार्गे  संगमेश्वर-श्रीधर्मवीरगड-तुळापुर पर्यंत  ‘धर्मवीर आत्मजागर मोहिमे’ च्या निमित्ताने प्रतिवर्ष कृतज्ञता जागरण अभियानाचे आयोजन. 

२०१५ : ऊर्जावान, उपक्रमशील युवक (धारकरी) व अनुभवी, श्रदधाळु ज्येष्ठ (वारकरी) यांच्यातील समन्वयासाठी शक्तिपंढरी दुर्गदुर्गेश्वर  श्रीरायगड ते भक्तिपंढरी भूवैकुंठ श्रीपंढरपुर पर्यंतच्या युगप्रवर्तक छत्रपती श्रीशिवाजी महाराजांच्या पादुकांच्या पायी वारीचा अधिकृत प्रारंभ सन १९९५ मध्ये प्रायोगिक स्तरावर प्रारंभित सोहळा कोरोना काळातही पायीच गेल्याने आषाढी वारीत पायी चालण्याची परंपरा जपणारा एकमेव अखंडित सोहळा ठरला.

२०१६ : विशाल सिंधुसागराच्या संकटाला तोंड देण्यासाठी उभारलेल्या पूर्णतः स्वदेशी आरमाराचे निर्माते, भारतीय आधुनिक नौदलाचे पितामह श्रीशिवाजी महाराजांच्या पहिल्या सागरी स्वारीच्या ३५० व्या प्रेरणावर्षानिमित्ताने ३ राज्यांमधील ५९ जलदुर्गांचा अध्ययन दौरा. 

२०१७ : पूर्णतः  समाजहितसमर्पित द्रष्टया जीवनचरित्रातून राष्ट्र नवनिर्माण  करणार्‍या युगप्रवर्तक, शकनिर्मात्या छत्रपती श्रीशिवाजी महाराजांची प्रेरणादायी चरित्रगाथा गीत, संगीत, लघुनाटिका मंचन व नवरसयुक्त विवेचनातून सांगण्याची परंपरा ‘श्रीशिवभारत आख्यान’ प्रारंभ. 

२०१८ : हिंदवी स्वराज्याचा एकही पैसा खर्च न करता, रक्ताचा एकही थेंब न सांडवता औरंगजेबाची जागतिक स्तरावर पर छी:थू करवून सह्याद्रीच्या छत्रछायेत परतणार्‍या श्रीशिवाजी महाराजांना त्यांच्या प्रवासात सहकार्य  करणार्‍या वर्तमान भारतवर्षातील १४ राज्यांच्या ९१ जिल्ह्यांमधील २८७ तालुका केन्द्रातील उत्तर भारतीयांप्रती कृतज्ञता अभियान  : श्रीशिवछत्रपती राजकीय उत्तर दिग्विजय मोहीम. 

२०१९ : श्रीशिवछत्रपती महाराजांच्या दक्षिण दिग्विजय मोहिमेच्या पूर्वाभ्यासनिमित्ताने अभियान पूर्वसंचालनातून जिल्हाश: जागरण प्रवास.    

२०२० :पोर्तुगिजांच्या ताब्यातील दक्षिण कन्नड तटीय क्षेत्र मुक्त करवून सिद्ध बसरुरु स्वातंत्र्यदिनाचा कर्नाटक प्रांतस्तरीय लोकोत्सव. 

२०२१ : दक्षिण भारत कृतज्ञता (कर्नाटक, आंध्र, तामिळनाडु) अभियान. 

२०२२ :  तिसर्‍या भारतीय स्वातंत्र्याचा अमृतमहोत्सव आणि पानीपत गौरवगाथेच्या २६१ व्या वर्षानिमित्ताने जागरण अभियान.

२०२३ : श्रीमंत दत्ताजीराव शिंद्यांच्या तेजस्वी हौतातम्याचे बुराडी घाट दिल्ली येथे २६१ वर्षांतर पहिल्यांदाच कृतज्ञता जागरण. 

             संत श्रीनामदेव महाराज ७५० वे जन्मवर्ष व संत श्रीज्ञानेश्वर माउली संजीवन समाधी ७२५ वर्षनिमित्ताने घुमानमध्ये हिंदी ज्ञानेश्वरी पारायण  बांग्लादेश निर्मिती विजयोत्सव, पूर्वांचल जागरण

२०२४ : हिंदुस्थानाचा पहिला स्वातंत्र्यदिन अर्थात् श्रीमन्नृप शिवछत्रपतींच्या राजाभिषेकाचा दुर्गराज रायगडी ३५० वा वर्धापनदिन महोत्सव. 

२०२५ :उत्तर दिग्विजय अभियान संचालन                               

२०२६ : श्रीरायगड ते लंडन अर्थात् पश्चिम विश्वसंचार

२०२७ : श्रीरायगड ते इंडोनेशिया : आग्नेय आशिया विश्वसंचार        २०२८ : दक्षिण दिग्विजय अभियान संचालन. 

२०२९ : अटकविजय-सिंधुदर्शन / लेह-लडाख-खारदुंगला-कारगील  २०३० : श्रीशिवप्रभु देहोत्सग- ३५० वे अनुगामित्व सिद्धता वर्ष.

२०३० : हिंदवी स्वराज संस्थापक, युगप्रवर्तक, शककर्ते श्रीमंत छत्रपती श्रीशिवाजी महाराज जन्मचतु:शताब्दी राष्ट्रीय प्रेरणा महोत्सव.